كشف الطلاب واولياء الأمور عن ماسأة حقيقة يعيشها طلاب جامعة الجلالة بعد حادث أتوبيس طلاب جامعة الجلالة على طريق الجلالة - السخنة والذى لقى ما يقرب من 13 طالب مصرعهم واصابة أكثر من 30 طالب وطالبة، مؤكدين أن عدم توفير سكن للطلاب هو السبب الحقيقي وراء ذلك وأن اكثر من 70% من الطلاب لايوجد لهم سكن
السكن وراء ما حدث
قال الطالب سيف محمود انا طالب فى جامعة الجلالة كنت في الحادث، الحمدلله حمدا كثيرا ان ربنا اخرجني سليم، انا عايز بس اوصل رساله للكل
اولا حادث جامعة الجلالة الطلبه اللي نزلت تسكن في بورتو بسبب ان الجامعه مدخلتهمش السكن وانه غالي وهما من محافظات بعيده وهذا مشكلة جامعة الجلالة فى الاول والآخر مش مشكلة باصات بورتو، وانا طالب الـ gpa فوق الـ 3مدخلتش اسكاي حتي لازم الجامعه. تعملنا تعويض بالسكن باقية الترم دا واحنا اصلا معدش معانا فلوس ندفع حسبي الله في كل مسؤول فى جامعة الجلالة
٧٠%من الطلاب لايوجد لهم سكن بـ جامعة الجلالة
قال على ناصر ولى أمر لابد من تقدييم شكوى لرئيس مجلس الوزراء بضروره توفير سكن جامعى للطلبه بـ جامعه الجلاله داخل الجامعه الحوادث متكرره كل عام طلاب بتموت وحالات بتر طريق السخنه خطر والطلبه اكتر من ٧٠%من الطلبه ملهمش سكن وعلى الطريق ذهاب واياب يوميا مما يزيد معدل الحوادث نرجوا التدخل العاجل
سكن جامعة الجلالة غالى جدا
اوضحت وفاء يونس لازم حل للمهزله دي السكن في جامعة الجلالة غالي جدا غير باقي المصاريف بنخاطر باولادنا بما ان مش عارفين يبقوا مصدر أمان للأولاد يتم نقل الولاد للجامعات الأقرب من سكنهم ودفع نفس المصاريف بتاعه الكليات لحد ما يحلوا المشكله مش معقوله كل سنه وفيات بالشكل دا وشباب بتتدمر واهالي بتموت كل يوم من خوفهم على ولادهم لازم حل
اضاف هانى مختار تشغيل مستشفى الجامعة بكامل قوتها ضرورة ملحة وليست رفاهية ومسئولية الدولة حتى لو تم إسناد إدارتها لوزارة الصحة....الوقت من ذهب في علاج الحالات الحرجة والطارئة وتحتاج لدقائق وليس مستشفى على مسافة ساعة ونصف
قال أحمد السوهاجى يجب أن يكون أبنائنا هم الشاغل والاهتمام الأول لجميع من يعمل بالجامعة ،هذه مسئولية يجب تحملها على عاتق الجميع وليس كلمات عزاء ومواساة يجب ان يقدم للمحاكمة كل القائمين على هذا الصرح حيث أنهم لم يقوموا باختيار شركات مناسبة ولكن اولادنا عرضه لأهواء القائمين على هذه الجامعة وقد تجلى هذا جليًا في المعاملة السيئة للطلبه في الادميشن والعقد التى تطفؤ على السطح عند التعامل مع الطلبة فكان الناتج هو الاستهانه بأبنائنا
أين دكتور / رنا زيدان واللواء الموقر / ياسر أين مدير الجامعة بلاغ اتقدم به لرئبس الوزراء ووزير العدل والسيد الموقر النائب العام ، والصمت على هذه الجريمة سيزيد من تهور القائمين على الجامعة
اوضح هانى فوزى جامعه الجلالة افضل واحسن جامعة في مصر واحتفالات اكتوبر تذكر جزء كبير من الاحتفال بجمال وروعه الجامعة.، لكن اللي بيحصل كل ترم من حوادث علي الطريق جعلها اسوء الجامعات علي مستوي مصر
الجامعة لا يهمها من الطلاب غير المصاريف الكبيرة كل ترم وملهاش دعوه تروح ازاي أو ترجع ازاي أو تسكن بمبالغ فلكيه ازاي...كل المهم الفلوس، والموضوع أصبح في غايه الصعوبة بكل المقاييس....
قالت دعاء وليد،جامعه الجلاله انا مش عارفه المفروض أوجه كلامي لمين رئيس الجامعه ولا وزير التعليم العالي ولا مين مسؤول أوجه ليه الكلام اولا انا ابني طالب في كليه طب الجلالة والحمد لله عنده تريب دلوقتي ومكنش في الجامعه ولكن بكل الم وحزن وحسوه ومرارة حاسه بكل ام طالب كان في الاتوبيس النهارده ربنا يرحم اولادنا شهداء لان ليس لهم ذنب اقترفوه وربنا يكتب السلامه للمصابين واللي خرج سليم من الاتوبيس بشكر ربنا ثانيا كلامي موجه للمسؤولين بامانه دي الحادثه رقم كاممين المسؤول عن الحادثه السواق اللي ليسوق بسرعه جنونيه ولا الجامعه الغير قادره علي اتخاذ كافة الإجراءات لضمان سلامه الطلاب لازم يكون في مسؤولبتحاسب اناعن نفسي لما شوفت الحادثه حطيت نفسي مكان امهات الطلاب واباءهم ولادنا مش غاليين عند الجامعه وبتفرط فيهم بسهوله غاليين علينا حسبي الله ونعم الوكيل
ونطالب بعمل مشروع اسكان بجوار الجامعه او يتم السماح للطلاب بالتوزيع الجغرافي في20جامعه اهليه في مصر
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
