إيه هي المفاجأة اللي بتحضرها الحكومة للعمالة غير المنتظمة، وهل مرتبطة بمنح جديدة مخصصة لهم، ولا تسكين في وظايف ولا امتيازات تانية.. هنقولك كل التفاصيل في الفيديو ده فتابعنا للآخر.
دلوقتي، الدولة المصرية بتبذل جهود كبيرة عشان تبسط العمالة غير المنتظمة، من امتيازات ومنح ورعاية صحية واجتماعية وغيرها، عشان كده قررت وزارة العمل، ضم أول قائمة من عمال التراحيل في القاهرة إلى منظومة العمالة غير المنتظمة.
والخطوة دي، بتعتبر نقطة مضيئة لأنها هتحسن أوضاعهم لأنهم بيشتغلوا في ظروف غير مستقرة.
كمان، إدراجهم في منظومة العمالة هيتيح لهم الاستفادة من عدد كبير من المزايا، واللي بتشمل الرعاية الصحية والاجتماعية، وصرف منح مالية، بالإضافة إلى التعويضات في حالة الإصابة أو الوفاة.
ومن المقرر بداية من يوم الأحد القادم، هتكون فيه لجان متخصصة من إدارتي العمالة غير المنتظمة والتدريب المهني، ومديريتي عمل القاهرة ومطروح، بالتنسيق مع هيئتي التأمينات الاجتماعية والتأمين الصحي، هتزور بعض المواقع للعمالة غير المنتظمة في العاصمة الإدارية الجديدة، ومشروع محطة الضبعة النووية، عشان تختبرهم وتستخرج شهادات قياس مستوى المهارة وتراخيص مزاولة الحرفة لهم بالمجان.
وهيتم خصم الرسوم المطلوبة لاستخراج الشهادات دي من الحساب المركزى للرعاية الصحية والاجتماعية للعمالة غير المنتظمة بوزارة العمل، وده تمهيدًا لشمولهم بمظلة التأمين الصحي.
كل اللي بيحصل ده تأكيد من وزارة العمل على تنفيذ أهداف المبادرة الرئاسية "بداية جديدة لبناء الإنسان"، واللي من بينها التوسع في مد مظلة الحماية الاجتماعية والصحية للعمالة غير المنتظمة.
وبيشمل استهداف العمال في بعض مشاريع العاصمة الإدارية، بالقاهرة، ومحطة الضبعة النووية بمطروح، هذا الأسبوع، ما لا يقل عن 10 آلاف عامل، بداية للنزول إلى كل المشاريع بمواقع عمل جديدة تتركز فيها العمالة غير المنتظمة في المحافظات، وده بهدف شمول الجميع بالحماية والرعاية الصحية، واللي بتشترط أولًا استخراج تلك الشهادات لهم، عشان تؤكد مصداقية امتلاكهم المهارات اللازمة للمهنة أو الحرفة اللي بيشتغلوا فيها.
ونقدر نقول كمان، إن التطور الأخير في حصر العمالة غير المنتظمة، هو تطور إيجابي بيصب في صالح تقليل نسب البطالة والتأثيرات السلبية على العمالة غير المنتظمة واللي بتتأثر سلبا بأوضاع السوق والتأثيرات العالمية على السوق المصرية.
ولأن العمالة غير المنتظمة مالهاش معاشات أو تأمينات أو عمل ثابت، وممكن جدا إنها تفقد أي أسرة مصدر دخلها بشكل مفاجئ، وبالتالي فالاهتمام بالعمالة غير المنتظمة أمر مهم للغاية، عشان يتم دمجهم في السوق العام ومعرفة ما ينقصهم سواء تدريب أو خدمات صحية أو تأمينات أو دعم نقدي وخلافه لتخفيف وطأة الأعباء والتأثيرات السلبية عليهم، وبالتالي ده بيحقق العدالة الاجتماعية لحوالي 14 مليون منهم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
