ننشر أقوال المتهم محمد عمر، المتورط في تصوير فيديوهات للاعب مؤمن زكريا والتشهير به على مواقع التواصل الاجتماعي والقنوات الفضائية، في القضية رقم 6904 لسنة 2024 جنح الخليفة.
فبركة سحر مؤمن زكريا
وأنكر المتهم تهمة إذاعة أخبار وإشاعات كاذبة عمدًا بقصد تكدير الأمن العام وإلقاء الرعب في الناس وإلحاق الضرر بالمصلحة العامة موضحًا : «اللي حصل أن تقريبا الأربع اللي قبل اللي فات في مقابر عيلة مراتي أمينة في الإمام الشافعي الخليفة رحت أجيب مراتي لقيت رمضان ابن خالها بيحفر علشان يطلع صبارة عند الترب وهو بيفحت بالخشبة لقي كيس أسود فطلعه وقالي افتح صور فيديو ده عمل وانا فتحت الكاميرا بتاعة الموبايل وصورت ولقيت العمل عبارة عن لفتين ورق مربوطين بسلك وقماشة رسمة العروسة عليها دبابيس وحاجات كتير مكتوب عليها حاجات كتير وصورة كابتن مؤمن وقالي تعالي نروح نجيب جردل ميه علشان نبطل العمل وجاب جردل ميه وملح وجردل تاني فيه ميه قعد يقرا عليها شوية قرآن وقالي صور فيدي وصورت فيديو وقفلت كلمنا ابتسام مرات محمد إمام وشهرته زيكا فجت هي وزيكا وساعتها زيكا قال أنه يعرف مصطفى ابن خالة مرات مؤمن زكريا».
وأضاف المتهم محمد عمر : «كلموه وبعدين جه مصطفى على القرافه وريناله الحاجة وبعدين قالي أنه هيكلم كابتن مؤمن وبعدين قالي أنه تليفوناتهم مقفوله وأول م نهرف نوصلهم هنوصلهم وبعدها بساعتين كلم زيكا وقالهم أنهم في اسكندرية وجايين بعد يومين وبعد يومين جه كابتن مؤمن ومعاه 4 أشخاص منهم 2 شيوخ والشيوخ نزلت وابطلت العمل وقروا قران وبعد كده كابتن مؤمن مشي ورمضان عرف الي حصل لواحد صاحبه اسمه مودي ومودي ده كلم صحفي وقالوه أنه أخو مودي وعرف اللي حصل ونشر من ورا رمضان ويوم السبت الساعة 7 ونص بالليل لقيت رمضان بيكلمني ويقولي أن احمد بيه الكردي عايزني عند بيته وروحنا لريهام سعيد الساعة 10 بالليل في الانتاج الاعلامي وبعد كده روحنا القسم وده اللي حصل».
تابع أحدث الأخبار عبر
