علي ياسر
طلال أبو سيف
وجه علي ياسر لاعب الزمالك السابق رسالة نارية إلى المسؤولين في القلعة البيضاء، اليوم الأحد، وكشف عن تفاصيل استغناء الفريق الأول لكرة القدم دون علمه قبل غلق باب القيد.
وكتب علي ياسر عبر حسابه بموقع التواصل الاجتماعي "فيس بوك":
(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب اقول حاجه بس بعد ما قطعت إعارتي مع نادي مودرن سبورت (فيوتشر) لحد النهارده الصبح كنت مفكر إني متقيد في نادي الزمالك زي ما اتقال ليا بعد محاولات كثيرة من التواصل مع مسؤلين النادي قبل إغلاق القيد لا حد سأل فيا ولا اتواصل معايا عشان أعمل أبسط حقوقي إني أنزل أتمرن حتى بعد ما رحت النادي اسأل على موقفي و اني محتاج اعرف هعمل ايه لأني قاعد ف البيت بقالي شهرين وهقعد في البيت لحد شهر يناير اتفاجئت أن النادي استغني عني قبل ما القيد يقفل بدون علمي لا حد كلف نفسه ثانية يكلمني يقولي على حاجة.
ولا حد كلف نفسه ثانية يرد عليا عشان اعرف موقفي بعدما اتقال ليا قبل كده من مدير الكورة إني متقيد في النادي لحد دلوقتي انا قاعد في البيت بسبب تعاملي بإحترام واحتراف زي ما اتربیت و اتعلمت من ونا صغير بس في الكورة ساعات بيجوا على المحترم والمتربي شوية ودايما هيفضل عندي قناعة إن في الكورة زي ما في الحلو في الوحش وده جزء كبير من الكورة فبكل الظروف هنعدي بیه ونستحمله عشان دي الحاجه إلى الواحد بيعرف يعملها و بيحبها، والله يعلم إني محب ومشجع لنادي الزمالك منذ الصغر وإني كنت أتمنى أتوج مع نادي الزمالك بكل شئ لأن ده حلمي منذ الصغر لكن بعض الناس كان لها رأي آخر.
لكن حابب اشكر الجمهور والاعيبة والمدربين إللي وقفوا معايا و سندوني في أول ظهور ليا مع نادي الزمالك وفضهري من وأنا صغير داخل جدران نادي الزمالك ودايما كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا ولنادي الزمالك وشكرا.
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" بالبلدي "
