أسعار السيارات المستعملة في الأسواق، نزلت في الفترة الأخيرة، رغم ارتفاع أسعار السيارات الزيرو بعد قرار وقف الاستيراد ودا كان لغز كبير لانه المفروض لما الزيرو سعرها يرفع يبقي السيارات المستعمل سعرها بردو يزيد لأن الناس ساعتها بتفضل المستعمل عن الزيرو الغالي. اومال إيه اللي حصل..
خبراء السوق والتجار قالوا إن أسعار السيارات المستعملة تراجعت بنسبة 3% مقارنة بالأسعار بنهاية الأسبوع اللي فات، وده اللي اكده اللواء عبدالسلام عبدالجواد، عضو شعبة السيارات بالاتحاد العام للغرف التجارية وقالوا إن السبب في ده هو حالة الركود بخصوص الشراء، وهو ده اللي أثر على الأسعار بشكل إيجابي.
الشعبة قالت كمان إن أسعار السيارات المستعملة بتختلف بحسب حالة العربية مش بس إصدارها، والفترة الجاية بتعتبر فترة مناسبة للشراء بسبب زيادة المعروض في الأسواق مع تراجع أسعار المستعمل.
طب إيه هي أفضل أنواع السيارات المستعملة؟
بص يا سيدي، أفضل أنواع السيارات المستعملة هي الفئة ما دون 1600cc، وسعرها بيتناسب مع ميزانية ناس كتير، عشان كده لازم المشتري يكشف عن العربية المستعملة في التوكيل الخاص بها عشان يحدد سعر العربية بناء على التقرير اللي بيطلع عن حالة السيارة، وده عشان يتفادى العيوب اللي ممكن تكون في العربية والمشكلات اللي بتقلل من سعر العربية.
أما عن توقعات أسعار السيارات في الفترة الجاية، فممكن تشهد استقرار في الأسواق، وده بسبب اللي بتبذله الحكومة في سبيل توطين صناعة السيارات ودعم الصناعات المغذية لها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
