بسبب تأشيرات الزيارة.. صدمة من السعودية للمصريين بخصوص عمرة رمضان

خلاص احنا داخلين علي شهر رمضان، والعمرة في شهر رمضان بتكون شكل تاني، بس السعودية اعلنت عن خبر وحش للمصريين بخصوص العمرة قبل شهر رمضان.. ياتري اية هو الخبر ده واية علاقته بالعمرة

معروفة من زمان خصوصا عندنا هنا في مصر أن العمرة في شهر رمضان بتكون شكل تاني، ومناسك العمرة في شهر رمضان بتكون لها روحانيات مختلفة عن كل شهور السنة، خصوصا أن المعتمرين بيصموا الشهر الكريم ويفطروا في حجر الكعبة المشرفة  وبيعملوا المناسك باريحية لمدة شهر كامل، علشان كده اسعار عمرة المولد النبوي بتكون مختلفة عن باقي السنة كلها .

طيب اسعار عمرة شهر رمضان هتوصل لكام السنة دي؟.
كل شركات السياحة حاليا بدأت تجهز لعمرة رجب وشعبان ورمضان، وحاليا كل الشركات أعلنت عن اسعار عمرة شهر رجب ودي بتبدا اسعارها من 35 ألف جنية، والمتوقع أن تكمل كده علي الأسعار دي لشهر شعبان كمان، خصوصا أن اغلب الناس اللي عايزين يعملوا العمرة بيجلوها لشهر رمضان.
لحد اللحظة دي مفيش اي اسعار رسمية لبرامج العمرة لشهر رمضان، ولكن كل التوقعات بتقول أنها مش هتقل عن 45 ألف جنية كاقل سعر لبرامج العمرة الاقتصادية، ودي سعر يعتبر عالي جدا علي الأسعار البسيطة اللي الناس اتعودو عليها عندنا في مصر واللي بيستنوا العمرة من السنة للسنة وبيلموا القرش علي التاني علشان يكملوا سعر برنامج العمرة ويسافروا يعملوا المناسك.

طيب اية الخبر السئ اللي اعلنته السلطات السعودية للمصريين قبل شهر رمضان؟.
غرفة شركات السياحة قالت أن السلطات السعودية هتوقف العمل بتاشيرات الزيارة واللي بتسمح للمواطنين بعمل مناسك العمرة قبل شهر رمضان، وعلشان نكون عارفين أن نسبة كبيرة من المعتمرين المصريين بيسافروا السعودية بتاشيرات الزيارة علشان يعملوا مناسك العمرة بسبب ان اسعارها بتكون قليلة عن اسعار برامج العمرة الرسمية وبتأدي نفس الغرض وهو عمل مناسك العمرة.

غرفة شركات السياحة قالت أن قرار السعودية بوقف العمل بتاشيرات الزيارة قبل شهر رمضان الغرض منه تحجم دخول المصريين للسعودية خصوصا أن النوع ده من التاشيرات بيكون مسموح لحامله التواجد في السعودية لمدة 3 شهور، والمصريين استغلوا الحتة السنة اللي فاتت وسافروا بيها وعملوا مناسك العمرة وفضلوا هناك لحد موسم الحج وكمان عملوا بيها مناسك الحج، وده كان سبب رئيسي في الازمة اللي حصلت في موسم الحج السنة اللي فاتت .