ناس كتير متخوفة من اسعار السلع في الفترة اللي جاية خصوصا أن الدولار في الفترة الاخيرة شهد زيادات ملحوظة... ياتري هل اسعار السلع هتتأثر مع الارتفاع في سعر الصرف ولا الدنيا هتمشي أزاي.. خليكم معانا للآخر وهتعرفوا التفاصيل في التقرير ده.
في حالة قلق عند ناس كتير حاليا من حصول ارتفاع في اسعار السلع مع الزيادات الأخيرة في أسعار الدولار وخصوصا أننا داخلين علي سنة جديدة، وهيكون في اجتماع للجنة السياسة النقدية في البنك المركزي مع بدايتها، وطبعا القرارات اللي بتخرج عنها بتاثر علي كل حاجة في البلد خصوصا الأسعار واسعار السلع علي وجه الخصوص ودي بتزيد بمجرد ما تتسرب اي اشاعات عن اقتراب طرح زيادات جديدة علي الأسعار والتجار قبلها بفترة طويلة للاسف بيكونوا خزنوا كميات كبيرة من السلع علشان يرجعوا يبعوها لما الاسعار ترفع ويستفيديوا من فارق الأسعار.
طيب هل فعلا اسعار السلع هترفع في الفترة اللي جاية ؟.
شعبة المواد الغذائية بالغرف التجارية قالت أن أسعار السلع الغذائية الأساسية في مصر مش هتشهد اي زيادات جديدة في الأسعار، وده بعد ما الدولار كسر حاجز الـ،50 جنيهًا رسميًّا فى بعض البنوك الموجودة في مصر.
الغرفة قالت كمان أنه مش من مصلحة التاجر ولا المستورد ولا المواطن زيادة أسعار السلع، وأن الدولة حاليا بتعمل محاولات كتيرة جدا علشان ميحصلش ارتفاع في اسعار السلع في الفترة اللي جاية حتي لو سعر صرف الدولار ارتفع اكتر من كده، ولو حصلت زيادة هتكون بنسبة بسيطة جدا ومش هتاثر علي السوق المصري بكل الاجواء سواء كان التاجر أو المستهلك أو حتي المستورد.
الشعبة قالت كمان أن التحركات اللي قامت بيها الحكومة علي مدار الشهور اللي فاتت وتوفير مختلف أنواع السلع فى المنافذ الرسمية المنتشرة في كل محافظات الجمهورية، هتحد من وجود اي زيادة في الأسعار، ده غير المنافذ الجديدة اللي شغلتها الدولة خلال الكام يوم اللي فاتوا واللي متعلقة بمنافذ أسواق اليوم الواحد، واللي الهدف منها زيادة كميات السلع الغذائية واللحوم والدواجن والخضروات والفاكهة المطروحة قدام المواطنين في الاسواق، وضبط أسعارها وانتهاء احتكار السلع عن التجار، خصوصا أن المنافذ دي هيا السبب الأساسي في استقرار الاسعار في مصر خلال الفترة اللي فاتت دي كلها.
الهيئة العامة للسلع التموينية، طلعت وأكدت هيا كمان أن الزيادة اللي حصلت في سعر صرف العملات الأجنبية في مصر هيا زيادة محدودة للغاية وصعب جدا أنها تأثر علي اسعار السلع في مصر، ولو حصل لها تاثير فهيكون علي السلع المستوردة مش السلع المحلية.
من جانبه، أكد المهندس متى بشاى، رئيس لجنة التجارة الداخلية بشعبة المستوردين بالاتحاد العام للغرف التجارية، أن الأسواق تشهد خلال الأيام الحالية حالة من الاستقرار، وذلك عقب زيادة سعر الدولار أمام الجنيه خلال الأسبوع الماضى.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
